‘फोन गरी घरबाट लैजाने भारत विहार हुद्राका शक्ति सहनी हुन् र उनले नै हत्या गरेको हो ।’ उनले दाबी गरिन् ।हत्या गरिएका जोगिनको तीन महिने एक छोरा छन् । श्रीमान गुमाउनु पर्दाको पीडामा डुबेकी पवनदेवीले भनिन्, ‘श्रीमान हुँदा कमाएपछि जसोतसो गुजारा गर्थै । अब छोरा पाल्न पनि गाहे हुन्छ । पढाउने कुरा त परै जाओस् ।’एक मात्र जीवनको साहारा श्रीमानको हत्या भएपछि पवनदेवीको आँखामा आशु सुकेका छैन् । जो कोही जाँदा पीडाले चिच्याउन थाल्छिन् । हत्या भएदेखि उनले पेटभरी खाना समेत नखाएको स्थानीय बताउँछन् ।हत्या भएको तीन दिन वितिसक्दा पनि प्रहरीले अपराधी पक्राउ गरेको छैन् । इलाका प्रहरी कार्यालय लहानका डिएसपी ज्ञानेन्द्र फुयाँलले घटना विषयमा अनुसन्धान भइरहेको बताए ।उनले भने, ‘जोगिन हत्याको विषयमा अनुसन्धान जारी छ । केही व्यक्तिलाई निगरानीमा राखेका छौं । पक्राउ परेपछि रहस्यहरु खुल्छ ।’

कसले गर्‍यो हत्या ?

हत्या गरिएका जोगिनले गत मंसिरमा पवनदेवीसँग प्रेम विवाह गरेका थिए । पवनदेवीको यो दोस्रो विवाह हो । यसअघि पवनदेवीको विवाह भारत विहार राज्यको हुद्रा भन्ने कमलपुरमा भएको थियो । त्यहाँ आफ्न्तहरु रहेकोले जोगिन आउने जाने गर्थे । जसले गर्दा पवनदेवीसँग प्रेम बस्यो । केहि दिनमै उनीसँग भागेर प्रेम विवाह गरे । विवाहपछि भारत विहार राज्यको कमलपुरको पहिलो श्रीमान् मजेलाल सहनी मारिदिने धम्की दिदै आएको थिए ।विवाहको विवादले इलाका प्रहरी कार्यालय लहानमै दुईपटक छलफल भयो । उक्त छलफलमा पहिलो श्रीमान मजेलालले छाड्ने निर्णय गरेपछि जोगिनसँग बस्न थालिन् । त्यसपछि उनले एक बर्षभित्रै जोगिनको हत्या गर्ने धम्की दिएका थिए । सोही अनुरुप मजेलालका काकाका छोरा शक्ति सहनीले लहान आई फोन गरेर मंसिर १६ गते जोगिनलाई बोलाए । बेपत्ता पारे । बेपत्ता पारेको आठ दिनपछि जोगिनको हत्या गरिएको अवस्थामा लहानस्थित बलान नदीमा शव फेला परेको हो । (हत्या गरिएका जोगिनकी श्रीमती पवनदेवीसँगको कुराकानीमा आधारित) 

Was this article helpful?

Thanks! Your feedback helps us improve onlinesiraha.com