पेशावर हमलामा भारत जिम्मेवारः परवेज मुर्सरफ
Advertise Here Book Now
इस्लामावाद– पाकिस्तानी मन्त्रीहरुले पेशावर हमलामा भारतले फैलाएका सहयोगी हातहरुको प्रशंसा गरिरहेका बेला पाकिस्तानका पूर्व राष्ट्रपती परवेज मुर्सरफले भने १३३ विद्यार्थीसहित १५१ को आमसंहार हुनुको पछाडि भारत जिम्मेवार रहेको बताएका छन् । ‘तपाईंलाई थाहा छ को हुन् मौलाना फाजलुला ? उनी तेहरिक–इ–तालिवानका पाकिस्तान कमान्डर हुन् । उनी अहिले अफगानिस्तानमा छन् । म यसमा विश्वस्त छु कि पकिस्तानको हमलाका लागि उनलाई पूर्व कारजाई सरकार र ‘रअ’ले सहयोग गरिरहेको छ,’ मुर्सरफले सिएनएन–आइबीएनले एक अन्तर्वातामा बताए । पाकिस्तानी पूर्व राष्ट्रपतीले घटनाका सबै दोषीलाई भारतले नै प्रशिक्षण दिइरहेको ठोकुवा गर्दै पाकिस्तानमा हमलाका लागि तालिवानका कमान्डरलाई अफगानिस्तान र भारतले संरक्षण दिइरहेको बताए । 
