अब कस्ले भन्ने छोरा म तिम्रोलागि साइकल ल्याइदिन्छु
Advertise Here Book Now
रंजन भण्डारी
जलेश्वर,पौष ३० गते ।
जलेश्वर,पौष ३० गते ।
जनकपुरमा सोमबार आन्दोलनको क्रममा मारिएका राजाराम झाको आज अन्त्येष्ठी गरिएको छ । हिजो भएको झडपमा करिब एक दर्जन जति घाइते भए पश्चात अन्ततः राजारामको शवको परिक्षण गरि परिवारलाई जिम्मा लगाइएकोमा एमाओवादी अध्यक्ष पुष्पकमल दाहाल प्रचण्ड शवलाई श्रद्धान्जली दिन जनकपुर आएका थिए । राजारामको मृत शरिर लाई उनकै करिब ७ वर्षिय छोरा सोनुले दागबत्ती दिएका छन जसलाई सायद यो पनि थाहा छैन होला कि के भो उनको बुवा किन र कस्को लागी कसरी मरे भनेर । राजारामका करिब ५ वर्षिय छोरी पनि छिन जब उसले आफ्नो बुवालाई खोज्नेछिन तब कसले उसको बुवालाई बोलाईदिने ? मधेश बन्द कस्को लागी थियो ? परिणाम कस्ले भोग्नु पर्यो ? र माम कस्ले खाने ? एक पटक बिचार गर्नु पर्ने बेला भएको छ किनकी राजारामको बच्चाको टाउकोबाट उसको बुवाको हात हटाउने अधिकार कसैको थिएन । राजाराम कि श्रीमतीलाई उ बाट टाढा गरिदिने अधिकार कसैको थिएन । शहिदको लागी नाम प्रस्तावित गरिदिदैमा उनको बच्चा र उनकी श्रीमतिले आफ्नो अभिभावक पाइहाल्ने हैन त्यसैले दोषीलाई सजाय र अब उप्रान्त यस्तो हुन नदिन सबैको समान कर्तव्य छ ।