गंगा नदीमा २०० भन्दा बढी शव तैरिरहेको फेला, कानपुरमा हंगामा
Advertise Here Book Now
कानपुर, ३० पुस ।
भारतकाे उत्तर प्रदेशस्थित कानपुर उन्नावमा पर्ने गंगा नदीको किनारामा २०० भन्दा बढी शव पानी माथि तैरिरहेको अवस्थामा फेला परेको छ । ती शवहरू कुकुर, चीलले अाफ्नो खाना बनाइरहेको समाचारहरूमा जनाइएको छ । बालबालिका, बृद्धबृद्धाकाे शव धेरै मात्रमा देखिएको बताइएको छ ।
भारतीय अनलाइन समाचार नवभारत टाइम्सले १०४ शव फेला परेको जनाएको छ भने भास्करले २०० भन्दा बढीको लाश फेला परेको जनाएको छ ।यो सुचना पाउनसाथ कानपुरमा हंगामा मच्चिएको छ । अहिले उक्त स्थानमा कानपुरका उच्च अधिकारीहरू पुगिसकेका छन् ।
कतिपयले ती शव निकालेर अन्तिम संस्कार गर्ने तयारी गरेका छन् भने बीजेपीका प्रदेश अध्यक्ष लक्ष्मीकान्त बाजपेयीले पोस्टमार्टम गर्नुपर्ने बताएका छन् । केन्द्रिय गृहमन्त्री राजनाथ सिंहले यस विषयमा गम्भीर छानबिन हुने बताइएको छ । यति धेरै शव एकैपटक गंगामा कसरी जम्मा भयो भन्नेबारे उल्लेख गरिएको छैन ।-एजेन्सी
