लहानमा लुटपाट, मधेशमा दूई लाश

लहान, १२ फागुन । लहानमा आज एक घरमा ४्—५ जनाका एक समुहले लुटपाट गरेका छन् । लहान नगरपालिका १३ बस्तीपुर स्थित कपिलदेब यादबको घरमा आज राती करीब १.०० बजे सो समुहमा आएका केटाहरुले लुटपाट गरेको हो । लुटेराहरुले यादबको श्रीमतिलाई सामान्य कुटपिट गरी धाकधम्की देखाई घरमा भएको आठ आना सुन र ३९ तोला चाँदी लुटी फरार भएका थिए। लुटपाटको खबर प्राप्त हुनासाथ घटनास्थलमा अस्थाई प्रहरी पोष्ट पक्किटोलबाट प्रहरी टोली खटि गई लुटेराहरुको खोजतलास गर्ने क्रममा स्थानिय १८ बर्षिय राम नन्दन यादब पक्राउ परेका छन् । घटनामा संलग्न अन्यको खोजतलास तथा अनुसन्धान कार्य भईरहेको जिल्ला प्रहरी कार्यालय सिरहाले जनाएको छ ।
यसैगरी, सप्तरीको कंचनरुप नगरपालिका ५ मा आईतबार सांझ एक पुरुष मृत अवस्थामा फेला परेका छन् । सप्तरी त्रिकोल १ घर भएका ६५ बर्षिय जोखन खंग मृत अवस्थामा फेला परेका हुन्। केही समय अघिदेखी स्थानिय बजारमा मागी खाई हिड्ने गरेका उनलाई टाउकोमा चोट लागी मृत अवस्थामा देखेपछी सांझ १९१० स्थानियले प्रहरीलाई खबर गरेका थिए ।
घटनास्थलमा ईलाका प्रहरी कार्यालय कंचनरुपबाट प्रहरी टोली खटीगई कानुनी प्रकृया पुरागरी शवलाई पोष्टमार्टमका लागी अंचल अस्पताल सगरमाथा पठाएको छ। घटनासम्बन्धमा अनुसन्धान भईरहेको छ ।
महोत्तरीको गोरहन्नामा वालुवाभित्र एक युवकको शव फेला परेको छ । टयाक्टरमा मजदुरको रुपमा काम गर्दै आएको महोत्तरी चकवा ९ का २९ बर्षिय सुवेदार सहनीको शव आज विहान वालुवा भित्र फेला परेको हो । यता घटनाको वारेमा थप अनुसन्धान भईरहेको जिल्ला प्रहरी कार्यालय महोत्तरीले जनाएको छ । Source:Nabsangram