सप्तरीमा हत्या गरिएको अवस्थामा साधु फेला
Advertise Here Book Now
सप्तरी, ११ फाल्गुन । सप्तरीको कञ्चनपुर नगरपालिकामा आईतवार साँझ एक जना साधुको हत्या भएको छ ।
कञ्चनपुर नगरपालिका वडा नम्बर ५ स्थित इन्टरनेसनल बोर्डिङ स्कुल छेउमा साधु मृत अवस्थामा फेला परेका हुन् । उनलाई कुटपिट गरी हत्या गरिएको अनुमान गरिएको छ ।
इलाका प्रहरी कार्यालय कञ्चनपुरका प्रहरी निरीक्षक उमेश लम्सालले दिएको जानकारीअनुसार अन्दाजी ६० वर्षीय साधुको शव फेला परेको हो । मृत अवस्थामा फेला परेका साधुको टाउकोमा गहिरो निलडाम रहेकाले कसैले कुटपिट गरी उनको हत्या गरेको हुनसक्ने प्रहरी निरीक्षक लम्सालले बताए ।
मृतकको पहिचान खुल्न सकेको छैन । प्रहरी निरीक्षक लम्सालले घट्नाको बारेमा थप अनुसन्धान भइरहेको जानकारीे दिनुभएको छ ।
