निधिलाई गृह जिल्ला मै घाँडो, आफ्नै सन्तानलाई अंगिकृत बनाउँदै
Advertise Here Book Now
ऑनलाइन सिरहा डटकम साउन ४ /नेपाली काँग्रेसका नेता तथा भौतिक योजना मन्त्री बिमलेन्द्र निधिलाई आफ्नै जिल्ला घाँडो बन्दै गएको छ ।
काँग्रेसमा प्रभावशाली नेता भएपनि उनकै गृह जिल्लामा उनकै पार्टीका
प्रधानमन्त्रीको विरोध तथा कालो झण्डा देखाइने थाहा पाएपछि कार्यक्रममा आउन
डराएका निधि सोमबारबाट संविधानसभाको मस्यौदामाथिको राय संकलनमा जुटेका छन्
। जसको धनुषामा निकै विरोध हुँदै आएको छ भने जनकपुरधाममा बन्दको घोषणासमेत
गरिएको छ ।
निधिले राय संकलनका लागि ल्याएको संविधानको मस्यौदाले उनकै सन्तानलाई
अंगिकृत नागरिक बनाउनेछ । जुन नागरिक दोस्रो दर्जाका हुनेछन् । जसले देशको
राष्ट्रपति, प्रधानमन्त्री, मुख्यमन्त्रीलगायतको जिम्मेबार पदमा बस्न पाउने
छैन । यसै कारणले केही मञ्चमा निधिले मस्यौदाको विरोधसमेत गरेका थिए,
मधेशीको कित्तामा उभिएको देखिएका थिए ।
सोमबारबाट राय संकलन गरिने मस्यौदामा आमा वा बुवा विदेशी भएमा त्यसका
सन्तानले अंगिकृत नागरिकता पाउने प्रवधान राखिएको छ । जसमा निधिकै परिवार
पीडित बन्नेछ । स्व.महेन्द्र नारायण निधिको नाउँले राजनीतिक उचाई पाएका
निधिले आफ्नै छोराहरु अविरल र अनुकुल निधिलाई आफुजस्तै मन्त्री बनाउन
सक्ने छैन । किनभने उनले भारतको बंगालकी अनामिका उपासक निधिसँग विहे गरेका
छन् । उनी भारतीयसँग विहे गरेकोले हालको संविधानको मस्यौदाअनुसार उनका
सन्तानले अंगिकृत नागरिकता पाउनेछन् । जो देशको उच्च तथा सरकारी ओहदामा
बस्न पाउने छैन ।
