कला समाचार शिल्पाको मृत शरीर नदी किनारमा भेटियो
Advertise Here Book Now
केरल प्रहरीले प्रसिद्ध टेलिभिजन अभिनेत्री शिल्पाको मृत शरीर भेटेको छ । उनको मृत्यु संदिग्ध भएको भन्दै उनका प्रेमी लिजिनलाई केरल प्रहरीले पक्राउ गरेको छ ।
ऑनलाइन सिरहा डटकम साउन ११/२३ वर्षीय लिजिन र शिल्पा कुनै बेला राम्रा साथी थिए । प्रहरीले दुई पटक फोन गरेर बोलाउँदा पनि लिजिन प्रहरीकोमा नगएपछि तेस्रो पटक प्रहरीले पक्राउ गरेको थियो । प्रहरीका अनुसार मृत्यु हुनुअघि शिल्पा र लिजिन सँगै थिए ।
प्रहरीले यो पनि दाबी गरेको छ । शिल्पाको मृत्यु भएको जानकारी पाएपछि लिजन र उसका परिवारका सदस्य फरार थिए । १९ वर्षीया शिल्पाको १८ जुलाईमा मृत्यु भएको थियो । उनको शव करामना नदी किनारमा भेटिएको थियो ।
लिजिन पेसाले फोटोग्राफर हुन् । उनी शिल्पासँग निकै नजिक थिए । उनका साथीले दिएको जानकारीअनुसार मृत्युअघि शिल्पा र लिजिनको झगडा परेको थियो ।
शिल्पाले मलायम टिभी सिरियल ‘चन्दनमाझ’, ‘सौभाग्यवती’, ‘मेघ सन्देशम’ र ‘प्रणयम’ मा अभिनय गरेकी थिइन् । उनले ‘जितुभाइ एना चकलेट’, ‘मिनी मोलुड अचन’ र ‘कालिदास कविता इझुथुकायनु’ नामक चलचित्रमा पनि अभिनय गरेकी छन् ।
शिल्पाका परिवारका सदस्यले शिल्पाले आत्महत्या गरेको नभएर अरू कसैले हत्या नै गरेको अनुमान गरेका छन् । मृत्यु हुने अघिल्लो दिन एक साथीको घर गएकी शिल्पा साथीकै घरमा फोन छाडेर गएकी थिइन् । त्यसको भोलिपल्ट उनको शव नदी किनारमा भेटिएको थियो ।
