लहानबाट १ किलो सुनसहित व्यापारी पक्राउ
Advertise Here Book Now
सिरहा – सिरहाको लहानबाट एक किलो सुनसहित एक व्यापारी आज पक्राउ परेका छन् । पक्राउ पर्नेमा लहान नगरपालिका– ७ का राहुल शारडा रहेका छन् ।
शारडा काठमाडौँबाट सुन लिएर आउने क्रममा लहानस्थित सहिद चोकमा बसबाट ओर्लिने क्रममै पक्राउ परेको प्रहरीले जनाएको छ ।
इलाका प्रहरी कार्यालय लहानका प्रहरी नायब उपरीक्षक उमाप्रसाद चतुर्वेदीले शङ्का लागेर अनुसन्धानका लागि नियन्त्रणमा लिएको बताए ।
उनका अनुसार सुन अवैध हो वा होइन् भन्ने विषयमा अनुसन्धान भइरहेको छ । स्रोतका अनुसार विकास ट्रेडर्सका प्रोप्राइटर विकास शारडाका भाइ राहुलले विगत लामो समयदेखि सुन भारत तस्करी गर्दै आएका छन् ।
