सुखीपुर २३ पुस । पाँच महिना हुन लागेकोे मधेश आन्दोलन, आमहडताल र नाकाबन्दीको फाइदा उठाउँदै पेट्रोलियम पदार्थको कालोबजारीलाई नियन्त्रण गर्ने प्रयास गरेपछि आज तस्कर र आन्दोलनकारीबीच झड्प भएको छ ।

तेनुवापट्टी तस्करकोे डिजल मोर्चा कार्यकर्ताहरुले केहीदिन पहिले सुखीपुरको राजदेवी चौकमा नष्ट गरेपछि बढेको विबादका कारण आज दुई पक्षीय भेलामा तस्करहरु जथाभावी बोलेपछि मोर्चा कार्यकर्ताहरु तस्करलाई समान्य कुटपिट गरी लखेटी लखेटी भगाएका छन् ।

भेलामा आएका संयुक्त लोकतान्त्रिक मधेशी मोर्चाका कार्याकर्तालाई एउटा पनि तस्करलाई नछोडन मधेश आन्दोलनका नायक कृष्ण बहादुर यादबले बताउनुभयो ।

उहाँले भन्नुभयो– कार्यकर्तालाई नरोकेको भए तस्कर राम्रै कुटाई खाने थियो तर कार्यकतालाई सम्झाई बुझाईएकोले समान्य झडप भएको छ । अब तस्करसंग कुनै छलफल नराख्ने तस्करलाई छोडे तस्करी समान सिधै जलाईदिनु पर्छ ।