एक सत्तामा तीन फरार अभियुक्त गिरफ्तार
Advertise Here Book Now
ऑनलाइन सिरहा डटकम दिनेश्वर गुप्ता लहान, २१ पुस । गोलबजार प्रहरीले अदालतबाट कैद तथा जरिवाना सजाय भएका फरार अभियुक्त खोजतलास गरी पक्राउ गर्ने अभियान अन्तर्गत एक सत्ताभित्र तीन जनालाई गिरफ्तार गरेको छ । सो अभियान अन्तर्गत पुस २० गते विहान गोलबजार प्रहरी प्रमुख प्र.नि.सन्तोष निरौलाका कमाण्डमा ३८ बर्षीय नैन लामालाई गिरफ्तार गरिएको छ । जिल्ला अदालत सिरहाको मिति २०७२÷०५÷०१ गतेको फैसलाले कम्प्यूटर अपराध मुद्दामा ६ महिना कैद सजाय भई फरार रहेका लामालाई गोलबजार प्रहरीले विशेष सुराकीको आधारमा गिरफ्तार गर्न सफल भएको हो । गिरफ्तार गरिएका लामा सिरहाको लालपुर ६ (साबिक) घर हाल गोलबजार नगरपालिका २ वस्ने प्रेमकुमार लामाका छोरा वर्ष ३८को नैन लामा लाई आफ्नै घर वतनमा लुकीछिपी वसिरहेको अवस्थामा फेला पारी प्रहरीले गिरफ्तार गरिएको छ । निज लामालाई सिरहा जिल्ला अदालतमा दाखिला गराईएको गोलबजार प्रहरीले जनाइएको छ । एक सत्तायता गोलबजार प्रहरीले एक महिला र दूई पुरुष गरी तीन फरार अभियुक्तलाई गिरफ्तार गर्न सफल भएको छ ।
