ऑनलाइन सिरहा डटकम दिनेश्वर गुप्ता लहान, १७ पुस । गांजा तस्करीको समाचार आएपछि हिजो राती मनोज मानवलाई जिरोमाइल चौक क्षेत्रमा सुरेश महतो र उनीसंग रहेका हरे यादवले गोली प्रहार गरेको छ । मानवडटकमका सम्पादक मनोज मानवको मोटरसाईकल रोकेर ‘तिमी आजभोली धेरै देखाउंन लागेको हो ’ भन्दै गोली प्रहार गरेको छ । गोली मानवको कन्चट हुंदै फायरिगं गरिएको थियो । मानव सकुशल बाच्न सफल भएको छ । मानवले भने ‘मेरो घरमा सुरेश महतो गाजा तस्करले ज्यान मार्ने धम्की दियो ’ र ‘मलाई राती १०.३० बजे तिर गोलबजार जिरोमाईल सडक खण्डमा उनका सहयोगी हरे सहित पेस्तोल तेर्सायो ।’ ‘म बाच्न सफल भए घर फर्के ।’ ‘तस्करहरुले आफुबारे सामाचार छापेको रिस फेर्दै मेरो ज्यन नै लिन खोजे हो ।’ यसरी समाचार छापेको भरमा मार्ने धम्की दिएकोले नेपाल पत्रकार महासंघ सिरहा शाखाका अध्यक्ष देवकुमार यादवले विज्ञाप्ती जारी गरी त्यस्ता तस्करहरुलाई कारवाही गर्न प्रशासनसंग माग गरेको छ । यसैबीच,हिमालनीअनलाईनका पत्रकार तथा नेपाल पत्रकार महासंघ सिरहाका कार्यसमिति सदस्य मनोज बनैतालाई सोही राती फोन गरी अर्का एक समूहले ‘आजभोली तिम्रो पखेटा लामो भएको छ, पखेटा काट्ने’ भनी धम्की दिएको पत्रकार मनोज बनैताले बताए ।
