मधेशमा जातीय विभेदको अन्त्य नभएसम्म सामाजिक सन्तुलन नहुने : मन्त्री पासमान
Advertise Here Book Now
दिनेश्वर गुप्ता लहान, ४ फागुन । अहिलेको आन्दोलन भन्दा दलित तथा उत्पीडित वर्गलाई आरक्षणको व्यवस्था हुर्नुपर्ने भन्दै मधेशमा जातीय विभेदको अन्त्य नभएसम्म सामाजिक वातावरण सन्तुलन नहुने वातावरण मन्त्री विश्वेन्द्र पासमानले बताउंनुभयो ।
लहान चमार आन्दोलनलाई स्मरण गर्दै वातावरण मन्त्री विश्वेन्द्र पासमानले आज ९४ बर्षीया सियावत्ती रामलाई सेतो साडी ओढाएर सम्मन्न गर्दै सो कुरा बताउंनुभयो । मन्त्री पासमान वातावरणमैत्री अभियानको क्रममा सिरहा, सप्तरी, सुनसरी र मोरंग भ्रमणमा हुनुहुन्छ ।
मन्त्री पासमानले जलवायु परिवर्तनका कारण विश्वव्यापी रुपमा वातावरणीय असुरक्षा बढिरहेको भन्दै आफू वरिपरिवको वातावरण जोगाउँदै मानव जातिको साझा घर पृथ्वी जोगाउनेतर्फ लाग्नुपर्ने बताउनुभयो ।
मन्त्री पासमानले वातावरण संरक्षण गर्न नेपाल सरकार प्रतिबद्ध रहेको भन्दै सिरहा सप्तरीको गरिब दलित बस्ती र स्कूल तथा अस्पतालहरुमा वैकल्पिक उर्जा सोलारको व्यवस्था गर्न कार्यक्रमहरु अघि बढाइसकेको बताउंनुभयो ।
