तीन वटा पेस्तोलसहित दुई जना पक्राउ
Advertise Here Book Now
ऑनलाइन सिरहा डटकम फागुन ३ – प्रहरीले तीन वटा अवैध पेस्तोलसहित दुई जनालाई पक्राउ गरेको छ । पक्राउ पर्नेमा जनकपुर उपमहानगपालिका–१२ कुवाका ४३ वर्षका रमेशप्रसाद यादव र धनुषा सबैला नगरपालिका–३ का १४ वर्षका दिपेशकुमार यादव रहेको प्रहरीले जनाएको छ ।जनकपुरको विश्वकर्माचोकबाट पक्राउ गरीएका दुबैलाई सोमबार पत्रकार सम्मेलन गरेर सार्वजनिक गरिएको हो । रमेशले बालक दिपेशलाई प्रयोग गरी दुई वटा पेस्तोल र एउटा म्याग्जीन झोलामा राखेर लग्न लागेका प्रहरीले जनाएको छ ।
सोधपुछपछि प्रहरीले रमेशको घरमा छापामारी थप एउटा पेस्तोल बरामद गरेको प्रहरी उपरीक्षक रामदत्त जोसीले जानकारी दिनुभयो ।
उनीहरुको साथबाट तीन वटा पेस्तोल, एक थान म्याग्जीन, पेस्तोलमा लाग्ने दुई वटा गोली, स्पास्मो ट्यावलेट एक थान र एउटा मोवाइल बरामद गरेको पत्रकार सम्मेलनमा जानकारी दिइयो । उनीहरुमाथि थप अनुसन्धान भइरहेको प्रहरीले जनाएको छ ।
