अमेरिकामा रेल दुर्घटना, १ को मृत्यु १०० भन्दा बढी घाइते

असोज १३, २०७३ अमेरिकाको न्यूजर्सीमा रेल दुर्घटना हुदाँ १ सयभन्दा धेरै घाइते भएका छन्। घटना एक व्यक्तिले ज्यान गुमाएको पुष्टि भएको छ। न्यूजर्सीस्थित होबोकेन रेल स्टेशनमा भएको तिव्र गतिमा आइरहेको ट्रेन एक्कासी स्टेशनको रिसेप्शन एरियातर्फ गएको प्रत्यक्षदर्शीले जनाएका छन्। घटनाका ५१ जना घाइतेहरुको उपचार जर्सी सिटी मेडिकल सेन्टरमा भइरहेको छ। यस अस्पतालका अधिकारीहरुले ३ जनाको अवस्था गम्भीर रहेको र ११ जनाको चोट असामान्य रहेको बताएका छन्।