स्थानिय » जनकपुर लगायत तराईमा मुसलधारे बर्षा, जलमग्न भएपछि सास्ती

नरेशचन्द्र बरबरिया,धनुषा /जेठ २८ आज दिउँसो जनकपुरधाम लगायतका तराईका जिल्लाहरुमा मुसलधारे बर्षा भएको छ । बर्षाका कारण जनकपुररधामका केहि ठाउँहरु जलमग्न भएको थियो भने यात्रीयात्रीहरुलाई निकै सास्ती भोग्नु परेको अबस्था छ ।जनकपुको थापा चौक,शिव चौक,जान्की चौकचौक,भानु चौकमा पानी समेत जमेको थियो । बाटो डुबानमा परेपछी मोटरसाइकल ,साईकल,ई रिक्सा,पैदल हिन्ने यात्रुहरुहरुलाई  निकै सास्ती भोग्नुका साथ साथै घर धनीको घरमा,होटलमा समेत पानी पुगेको थियो

। सोमबार अपरान्हदेखि मौसम बदली हुँदा जनकपुरको वतावरण शीतल बनेको छ ।

दुई सातायता बढेको गर्मी र जिउ नै पोल्ने घामका कारण यहाँको जनजीवन प्रभावित बनेको थियो । अहिले जनकपुरमा तीव्र हावाहुरीसँगै भारी बर्षा जारी छ । चट्याङ समेत पड्किरहेको छ । लगातार भइरहेको भारी वर्षाले जनकपुरको केही भाग डुबानमा परेको छ ।

वर्षा हुनुअघि पनि जनकपुरको तापक्रम ३८ डिग्री सेल्सियस भन्दा माथि थियो । पानी परेपछि सर्वसधारण हर्षित छन् । धेरैजसो वर्षाको पानीमा भिज्न घर बाहिर समेत निस्केका छन् ।आज धनुषा, सिरहा लगायत अन्य ठाउँहरुमा पनि पानी पर्नाले मान्छेहरु खुसी भएका छन।